ಆಟಿ ಕಳೆಂಜೆ.

ಆಟಿ ಕಳೆಂಜೆ.

“”

ಆಟಿ ಬತ್ತ್ಂಡ್ ತುಲುವೆರೆ
ಆಟಿ ಬತ್ತ್ಂಡ್
ಪನಿ ಕಡಿಯಂದ್ ಬರ್ಸೊ
ಪನಿ ಕಡಿಯಂದ್.

ಗಟ್ಟ ಮಿತ್ತರಿಯೊ ನಮನ
ಪೂರ ದೈವೊಲು
ಇಡೀ ತುಲುವನಾಡ್ ಗ್ ಬತ್ತ
ಮಾರಿ ಸೀಕುಲು.

ಕಳೆಂಜ ಮಲೆಡ್ದ್ ಆಟಿ ಕಳೆಂಜೆ
ಆಯೆ ಜತ್ತೆನಾ
ತಾರೆದ ಸಿರಿ ಕಟ್ಟ್ ದ್ ಕಾರ್ಗ್
ಗೆಜ್ಜೆ ಕಟ್ಯೆನಾ.

ಬೈಲ್ ಕಂಡೊಡು ಆಯನ
ಪೊರ್ಲ ದಿಬ್ಬಣ
ಕೇಂನುಂಡು ತೆಂಬರೆ ದುನಿಪು
ಸಂದಿ ಪಾರ್ದನ.

ಇಲ್ಲ ಜಾಲ್ ಡ್ ಆಯನ
ಪೊರ್ಲು ನಲಿಕೆನಾ
ಸೀಕ್ ಸಂಕಟೊನು ಆಯೆ
ತೊರ್ತು ಗಿಡತೆನಾ.

ಡೆನ್ನ ಡೆನ್ನ ಡೆನ್ನಾನ ಡೆನ್ನ
ಡೆನನ ಡೆನ್ನಾನ.
🛶🛶🛶🛶🛶🛶🛶🛶
✍️📒ಬರವು: ಚಂದ್ರಹಾಸ ಕುಂಬಾರ ಬಂದಾರು.
28/07/2024