ಇಂದು ‘ವಿಶ್ವ ತೆಂಗು ದಿನ’ ಬರಹ: ಶೇಖರ. ಎಂ ದೇಲಂಪಾಡಿ

ಇಂದು ‘ವಿಶ್ವ ತೆಂಗು ದಿನ’

ಬರಹ: ಶೇಖರ. ಎಂ ದೇಲಂಪಾಡಿ

‘ಇಂಗು, ತೆಂಗು ಇದ್ದರೆ ಮಂಗ ಕೂಡ ಅಡುಗೆ ಮಾಡುತ್ತೆ’ ಎಂಬ ಹಿರಿಯರ ಮತೊಂದಿದೆ, ಹೌದು ತೆಂಗಿನಕಾಯಿ ನಾವು ಪ್ರತಿದಿನಲೂ ಉಪಯೋಗಿಸುವ ಒಂದು ಆಹಾರ ಪದಾರ್ಥವಾಗಿದೆ. ತೆಂಗಿನಕಾಯಿಯಿಂದ ಹಲವಾರು ಪ್ರಯೋಜನಗಳಿವೆ. ತೆಂಗಿನಕಾಯಿ ಮತ್ತು ಎಳನೀರಿನ ಪ್ರಯೋಜನಗಳ ಕುರಿತು ಜನರಲ್ಲಿ ಅರಿವು ಮೂಡಿಸುವ ಉದ್ದೇಶದಿಂದ ಪ್ರತೀ ವರ್ಷ ಸೆಪ್ಟೆಂಬರ್ 2 ರಂದು ‘ವಿಶ್ವ ತೆಂಗು ದಿನ’ ವನ್ನು ಆಚರಿಸಲಾಗುತ್ತದೆ. ಪ್ರಧಾನವಾಗಿ ಏಷ್ಯಾ – ಆಫ್ರಿಕ್ ಪ್ರದೇಶದಲ್ಲಿ ತೆಂಗು ದಿನವನ್ನು ಆಚರಿಸುತ್ತಾರೆ. ತೆಂಗಿನಕಾಯಿಯ ಮೌಲ್ಯ ಮತ್ತು ಸಮಾಜದ ಮೇಲೆ ಅವುಗಳು ಬೀರುವ ಪ್ರಭಾವಗಳನ್ನು ಜನರಿಗೆ ಅರಿವು ಮೂಡಿಸುವುದು ಈ ದಿನದ ಉದ್ದೇಶವಾಗಿದೆ.

ತೆಂಗಿನಕಾಯಿಯ ವೈಜ್ಞಾನಿಕ ಹೆಸರು ‘ಕೊಕೊಸ್ ನ್ಯೂಸಿಫೆರಾ’ ಎಂದಾಗಿದೆ. ತೆಂಗಿನಕಾಯಿ ಎಂಬ ಪದವು ಪೋರ್ಚ್ ಗೀಸ್ ನ ‘ಕೊಕೊ’ ಎಂಬ ಪದದಿಂದ ಬಂದಿದೆ. ಇದರ ಅರ್ಥ ‘ತಲೆಬುರುಡೆ’. ತೆಂಗಿನಕಾಯಿ ಮೊದಲು ಇಂಡೋ-ಮಲಯನ್ ಪ್ರದೇಶದಲ್ಲಿ ಹುಟ್ಟಿಕೊಂಡಿದೆ ಎಂದು ಹೇಳಲಾಗುತ್ತಿದೆ.

ತೆಂಗಿನಕಾಯಿಯನ್ನು ಆಹಾರ, ಇಂಧನ, ಔಷಧ, ಸೌಂದರ್ಯ ವರ್ಧಕ ಮೊದಲಾದ ಹಲವಾರು ಕಾರ್ಯಗಳಿಗೆ ಬಳಸಲಾಗುತ್ತದೆ. ತೆಂಗಿನ ಮರ ಹಲವಾರು ವರ್ಷಗಳ ಕಾಲ ಬದುಕುತ್ತದೆ ಆದುದರಿಂದ ಇದನ್ನು ಸಂಸ್ಕೃತದಲ್ಲಿ ‘ಕಲ್ಪವೃಕ್ಷ’ ಅಥವಾ ‘ಸ್ವರ್ಗದ ಮರ’ ಎಂದು ಉಲ್ಲೇಖಿಸಿದ್ದಾರೆ. ವಿಶ್ವಾದ್ಯಂತ ಹೆಚ್ಚು ತೆಂಗು ಉತ್ಪಾದಿಸುವ ದೇಶಗಳಲ್ಲಿ ನಮ್ಮ ಭಾರತವು ಒಂದಾಗಿದೆ. ಇಂಡೋನೇಷ್ಯಾ ಮತ್ತು ಫಿಲಿಫೈನ್ಸ್ ದೇಶಗಳಲ್ಲೂ ಅತೀ ಹೆಚ್ಚು ತೆಂಗು ಬೆಳೆಯುತ್ತಾರೆ. ನಮ್ಮ ದೇಶದಲ್ಲಿ ಕರ್ನಾಟಕ, ಕೇರಳ, ಆಂಧ್ರ ಪ್ರದೇಶ,ಪಶ್ಚಿಮ ಬಂಗಾಳ ರಾಜ್ಯಗಳಲ್ಲಿ ಹೆಚ್ಚಾಗಿ ತೆಂಗನ್ನು ಬೆಳೆಯುತ್ತಾರೆ. ತೆಂಗಿನ ಮರದ ಉಪಯೋಗ ಏನೆಂಬುದು ನಮಗೆ ತಿಳಿದಿದೆ. ತೆಂಗಿನಕಾಯಿ ಹಾಕಿ ಮಾಡಿದ ಆಹಾರ ಎಷ್ಟು ರುಚಿ ಇರುತ್ತದೆ ಎಂಬುದು ಕೂಡ ನಮಗೆ ಅರಿವಾಗಿದೆ. ಆದುದರಿಂದ ನಾವು ತೆಂಗು ಬೆಳೆಯನ್ನು ಉಳಿಸುವಲ್ಲಿ ಮುಂದಾಗಬೇಕು. ತೆಂಗು ಕೃಷಿ ಮಾಡುವ ಕೃಷಿಕರಿಗೆ ಪ್ರೋತ್ಸಾಹ ಮಾಡಬೇಕು.

ಇದನ್ನು ಓದಿದ್ದೀರಾ: ಇಲ್ಲಿ ಎಲ್ಲರಿಗೂ ಖಚಿತ ಬಹುಮಾನ! ಇಂದೇ ನೊಂದಾಯಿಸಿ.

WWW.GOLDFACTORYNEWS.COM

Gold Factory News is a Karnataka-based web news channel. It offers comprehensive coverage of local, national, and international events. Known for its quality journalism, Gold Factory News provides unbiased news and in-depth analysis. The channel’s dedicated team of journalists ensures timely and accurate reporting. Gold Factory News is rapidly gaining recognition for its integrity and excellence in news reporting.