ತೀರ್ಥಯಾತ್ರೆ ಬಸ್ ಗೆ ಬೆಂಕಿ – 9 ಭಕ್ತರ ಸಜೀವ ದಹನ
ತೀರ್ಥಯಾತ್ರೆ ಬಸ್ ಗೆ ಬೆಂಕಿ – 9 ಭಕ್ತರ ಸಜೀವ ದಹನ
ಹರಿಯಾಣ: ತೀರ್ಥ ಯಾತ್ರೆ ಮುಗಿಸಿಕೊಂಡು ಬರುತಿದ್ದ ಒಂದೇ ಕುಟುಂಬದ ಭಕ್ತರು ಸಂಚರಿಸುವ ಬಸ್ ಗೆ ತಡರಾತ್ರಿ ಬೆಂಕಿ ಅನಾಹುತ ಸಂಭವಿಸಿದೆ. ಯುಪಿಯ ಮಥುರಾ ಮತ್ತು ಬೃಂದಾವನದಿಂದ ಹರಿಯಾಣಕ್ಕೆ ತೆರಳುವ ಈ ಬಸ್ ಒಂದೇ ಕುಟುಂಬದ 60 ಭಕ್ತರು ಸಂಚರಿಸುತ್ತಿದ್ದ ಈ ಬಸ್ಸಿನಲ್ಲಿ 9ಮಂದಿ ಮೃತಪಟ್ಟಿದ್ದಾರೆ, 20ಕ್ಕು ಹೆಚ್ಚು ಮಂದಿ ಗಂಭೀರ ಗಾಯಗೊಂಡಿದ್ದಾರೆ. 6 ಮಹಿಳೆಯರ ಸ್ಥಿತಿ ಚಿಂತಾಜನಕ ವಾಗಿದೆ ಎಂದು ತಿಳಿದು ಬಂದಿದೆ. ಘಟನೆಯ ಬಗ್ಗೆ ಸಮೀಪದ ಬೈಕ್ ಸವಾರರೊಬ್ಬರು ಪೊಲೀಸರಿಗೆ ಮತ್ತು ಅಗ್ನಿಶಾಮಕ ಸಿಬ್ಬಂದಿಗಳಿಗೆ ಮಾಹಿತಿ ನೀಡಿದರು. ಗಾಯಗೊಂಡವರನ್ನು ಸ್ಥಳೀಯ ಆಸ್ಪತ್ರೆ ದಾಖಲಿಸಲಾಗಿದೆ ಆದರೆ ಬೆಂಕಿಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ ಎನ್ನಲಾಗಿದೆ.