ಕ್ಲಾಸ್ ರೂಂಗೂ ಬಂತು Al ಟೀಚರ್
- ರಾಜ್ಯ ಸುದ್ದಿ ರಾಷ್ಟ್ರೀಯ ಸುದ್ದಿ ವಾರ್ತೆಗಳು
ದಿಶಾ ಕೆ.ಎಸ್- 0
- 1 minute read
ಕ್ಲಾಸ್ ರೂಂಗೂ ಬಂತು Al ಟೀಚರ್
ಕೇರಳದ ತಿರುವನಂತಪುರದ ಶಾಲೆಯೊಂದು ಕೃತಕ ಬುದ್ಧಿಮತ್ತೆ(AI) ರೋಬೋ ಶಿಕ್ಷಕಿಯೊಬ್ಬಳನ್ನು ಪರಿಚಯಿಸಿದೆ. ಇಲ್ಲಿಯವರೆಗೆ ಟಿವಿ ಆಂಕರ್ ಆಗಿ ಕಾಣಿಸಿಕೊಂಡಿದ್ದ AI ಮೊದಲ ಬಾರಿಗೆ ಶಾಲೆಗೂ ಲಗ್ಗೆ ಇಟ್ಟಿದೆ. ಈ Al ಶಿಕ್ಷಕಿಗೆ ಐರಿಸ್ ಎಂದು ಹೆಸರಿಡಲಾಗಿದ್ದು ಇದನ್ನು ಕಡುವಾಯಿಲ್ ತಂಗಳ್ ಚಾರಿಟೇಬಲ್ ಟ್ರಸ್ಟ್‌ ಶಾಲೆಯಲ್ಲಿ ಪರಿಚಯಿಸಲಾಗಿದೆ. ದೇಶದಲ್ಲೇ ಮೊದಲ ಹುಮನಾಯ್ಡ್ ರೋಬೋಟ್ ಶಿಕ್ಷಕಿ ಎಂಬ ಹೆಗ್ಗಳಿಕೆಯನ್ನು ಐರಿಸ್ ಪಡೆದುಕೊಂಡಿದೆ. ಸೀರೆಉಟ್ಟು, ಕುಂಕುಮ ಹಚ್ಚಿಕೊಂಡು ಸ್ಕೆಟಿಂಗ್ ವೀಲ್ ಮೂಲಕ ಐರಿಸ್ ಕ್ಲಾಸ್‌ನಲ್ಲಿ ಓಡಾಡುತ್ತಾಳೆ.
AI ಟೀಚರ್ ಶಾಲೆಯ ತರಗತಿ ಕೋಣೆಗೆ ಆಗಮಿಸುತ್ತಲೇ ವಿದ್ಯಾರ್ಥಿಗಳು ಪುಳಕಿತರಾಗಿದ್ದಾರೆ. ಗುಡ್‌ ಮಾರ್ನಿಂಗ್‌ ಮಿಸ್‌ ಎಂದು ವಿಶ್ ಮಾಡಿದ್ದಾರೆ. ರೋಬೊ ಟೀಚರ್ ಕೂಡ ಅಷ್ಟೇ, ವಿದ್ಯಾರ್ಥಿಗಳಿಗೆ ಪಾಠ ಮಾಡುವ ಜತೆಗೆ, ಅವರ ಬಳಿ ತೆರಳಿ, ಪರಿಚಯ ಮಾಡಿಕೊಂಡಿದೆ. ಇನ್ನು, ದೇಶದಲ್ಲಿಯೇ ಮೊದಲ ಬಾರಿಗೆ ಎಐ ಆಧಾರಿತ ರೋಬೊ ಟೀಚರ್ ಅಳವಡಿಸಿಕೊಂಡ ಮೊದಲ ಶಾಲೆ ಎಂಬ ಖ್ಯಾತಿಗೆ ಈ ಸ್ಕೂಲ್‌ ಭಾಜನವಾಗಿದೆ.
