ಬಾಯಲ್ಲಿ ನೀರೂರಿಸುವ ಮೈಸೂರ್ ಪಾಕ್ ಕಥೆ

ಮೈಸೂರ್ ಪಾಕ್ ಯಾರಿಗೆ ಇಷ್ಟ ಇಲ್ಲ ದೇವ್ರು,ಮೈಸೂರು ಪಾಕ್ ಗೆ ವಿಶ್ವದೆಲ್ಲೆಡೆ ಬೇಡಿಕೆಯಿದೆ.
ಮೈಸೂರ್ ಪಾಕ್ ಅಂದಾಗಲೇ ಬಾಯಿ ನೀರೂರಿಸುವ ಈ ವಿಶಿಷ್ಟ ಬಗೆಯ ತಿನಿಸು ಜನ್ಮತಾಳಿದ್ದು ಎಲ್ಲಿ ಗೊತ್ತಾ?

ಮೈಸೂರಿನ ಮಹಾರಾಜ ಕೃಷ್ಣರಾಜ ಒಡೆಯರ್ ಅವರ ಅಡುಗೆ ಬಟ್ಟರಾಗಿದ್ದ ಕಾಕಸುರ ಮಾದಪ್ಪನವರು ಆಕಸ್ಮಿಕವಾಗಿ ಮೈಸೂರ್ ಪಾಕ್ ಕಂಡುಹಿಡಿಯಲ್ಪಟ್ಟರು ಮತ್ತು ಇದು ತಕ್ಷಣ ಮಹಾರಾಜರ ಮೆಚ್ಚುಗೆಗೆ ಪಾತ್ರವಾಯಿತು ಎಂದು ನಂಬಲಾಗುತ್ತದೆ.

ಹಾಗಾದರೆ ರುಚಿಯಾದ ಮೈಸೂರ್ ಪಾಕ್ ಮಾಡುವ ಸಿಂಪಲ್ ಟಿಪ್ಸ್ ಇಲ್ಲಿದೆ

ಹಂತ 1: ತುಪ್ಪ + ಕಡಲೆ ಹಿಟ್ಟಿನ ಮಿಶ್ರಣ: ಹಸುವಿನ ಹಾಲಿನ ತುಪ್ಪವನ್ನು ಬಿಸಿಯಾಗುವವರೆಗೆ ಹದವಾದ ಬೆಂಕಿಯಲ್ಲಿ ಬಿಸಿಮಾಡಲಾಗುತ್ತದೆ. ನಂತರ ಕಡಲೆ ಹಿಟ್ಟನ್ನು ಬಿಸಿ ತುಪ್ಪಕ್ಕೆ ಸೇರಿಸಲಾಗುತ್ತದೆ, ಮಿಶ್ರಣವು ಕಂದು ಬಣ್ಣಕ್ಕೆ ತಿರುಗುವವರೆಗೆ ಹಲವಾರು ನಿಮಿಷಗಳ ಕಾಲ ನಿರಂತರವಾಗಿ ಹುರಿಯಲಾಗುತ್ತದೆ. ತುಪ್ಪದ ಶುದ್ಧತೆ ಮತ್ತು ತಯಾರಿಕೆಯ ಪ್ರಕ್ರಿಯೆಯು ಮೈಸೂರ್ ಪಾಕ್‌ನ ರುಚಿಯಲ್ಲಿ ಸಾಕಷ್ಟು ವ್ಯತ್ಯಾಸಗಳನ್ನು ಉಂಟುಮಾಡುತ್ತದೆ.

ಹಂತ 2: ಪಾಕ : ಸಕ್ಕರೆಯನ್ನು ನೀರಿನಲ್ಲಿ ಬೆರೆಸಿ ಸಕ್ಕರೆ ಪಾಕವಾಗುವವರೆಗೆ ಕುದಿಸಲಾಗುತ್ತದೆ. ಮೊದಲೇ ತಯಾರಿಸಿದ ತುಪ್ಪ + ಕಡಲೆ ಹಿಟ್ಟಿನ ಮಿಶ್ರಣವನ್ನು ಈಗ ಪಾಕಕ್ಕೆ ಸೇರಿಸಿ ನಿರಂತರವಾಗಿ ಕಲಸಲಾಗುತ್ತದೆ. ಮೈಸೂರ್ ಪಾಕ್ ಹೀಗೆ ತಯಾರಿಸಬಹುದು.

ತಯಾರಿಸಿದ ಕೆಲವೇ ವಾರಗಳಲ್ಲಿ ಮೈಸೂರು ಪಾಕನ್ನು ಸೇವಿಸುವುದು ಉತ್ತಮ. ಶೈತ್ಯೀಕರಿಸಿದರೆ ಒಂದೆರಡು ತಿಂಗಳು ಸಂರಕ್ಷಿಸಬಹುದು.