ಹವ್ಯಾಸಗಳು (Hobby)

ಹವ್ಯಾಸಗಳು

ಅಭಿರುಚಿಯ ಅನಾವರಣ ಹವ್ಯಾಸ
ಬೆಳೆಯಲು ಮೂಡುವುದು ಮಂದಹಾಸ
ಮನದೊಳು ಶಾಂತಿ ನೆಮ್ಮದಿ ವಾಸ

ಉತ್ತಮ ಹವ್ಯಾಸ ಚಿಂತಾ ನಾಶಕ
ರೋಗ ರುಜಿನಕೆ ಸಂಜೀವಿನಿದಾಯಕ
ಕೆಟ್ಟ ಚಟವ ನಿಲ್ಲಿಸೋ ಕಾಯಕ

ವಿಧ ವಿಧ ವಿಧ ಹವ್ಯಾಸವಿಹುದು
ತೊಡಗಲು ಸುಜ್ಞಾನ ಬೆಳೆವುದು
ಬಿಡುವಿನ ವೇಳೆ ಪೂರ್ಣವಾಗುವುದು

ಇರಲಿ ಮಗುವೇ ನಿನಗೊಳ್ಳೆ ಹವ್ಯಾಸ
ನಿತ್ಯ ನಿರಂತರ ಸ್ವಬೆಳೆವ ಸಾಹಸ
ಸ್ವಸ್ಥ ಸಮಾಜ ನಿರ್ಮಿಸು ಮನಸಾ

ಪರಿಮಳ ಎನ್ ಎಂ ಐವರ್ನಾಡು ಸುಳ್ಯ