ಅಮ್ಮಾ….              

ಅಮ್ಮಾ….           

ಕರುಣೆಯ ಕಡಲು ಅಮ್ಮನ ಒಡಲು;

ಅಗಾಧ ಶಕ್ತಿಯ ನಿನ್ನಯ ಮಡಿಲು;

ನನಗೆ ಸಾಧ್ಯವೇ ಅದರ ಆಳವಳೆಯಲು;

ಉಸಿರ ಕೊಟ್ಟು ಜನ್ಮ ನೀಡಿದವಳೇ ಅವಳು;

ರಕ್ತ ಸುರಿದು ಹಾಲುಣಿಸಿದವಳೇ ಅವಳು;

ಹೆಸರನ್ನಿಟ್ಟು ಜಗವ ತೋರಿದವಳೇ ಅವಳು;

ಮುತ್ತನ್ನಿಟ್ಟು ತುತ್ತು ತಿನ್ನಿಸಿದವಳೇ ಅವಳು;

ತನಗಾಗಿ ಏನನ್ನು ಬಯಸದಿರುವವಳೇ ಅವಳು;

ಮಕ್ಕಳ ಹಿತಕ್ಕಾಗಿ ಪ್ರಾಣವನ್ನು ನೀಡುವವಳೇ ಅವಳು;

ಹಗಲಿರುಳೆನ್ನದೆ ಮಕ್ಕಳನ್ನು ಸಾಕುವವಳೇ ಅವಳು;

ಮಕ್ಕಳಿಗಾಗಿ ಏನೇ ಕಷ್ಟ ಬಂದರೂ ಸಹಿಸುವವಳೇ

ಅವಳು;

ಪ್ರತಿಯೊಂದು ಹೆಜ್ಜೆಯಲ್ಲೂ ಬೆನ್ನೆಲುಬಾಗಿ ನಿಂತವಳೇ ಅವಳು;

ಸಾಕಿ ಸಲುಹಿ ಬೆಳೆಸಿದವಳೇ ಅವಳು ;

ತನಗಾಗಿ ಏನನ್ನೂ ಕೂಡಿಡದವಳೇ ಅವಳು;

ಮಕ್ಕಳ ನಗುವಲ್ಲೇ ತನ್ನ ಖುಷಿಯನ್ನು ಕಾಣುವವಳೇ ಅವಳು;

ಪ್ರೀತಿ ಎಂಬ ಶಬ್ದಕ್ಕೆ ಜೀವ ತುಂಬಿದ ಅದ್ಭುತಳೇ ಅವಳು ;

ಜಗವೇ ಕಂಡಿರುವ ಮೊದಲ ಗುರುವೇ ಅವಳು;

ದೇವಿಯ ಪರೋಕ್ಷ ಸ್ವರೂಪವೇ ಅವಳು;

ನಮಗಾಗಿ ಇಡೀ ಜೀವನವನ್ನು ಮೀಸಲಿಟ್ಟವಳೇ ಅವಳು;

ಅವಳೆಂದರೆ…. ನನ್ನಯ ಮುದ್ದಿನ ಅಮ್ಮಾ

✍️ ಕಾವ್ಯಶ್ರೀ. ಎಸ್