ಶಬರಿಮಲೆ: 39 ದಿನಗಳಲ್ಲಿ 204 ಕೋಟಿ ಆದಾಯ

ಶಬರಿಮಲೆ: 39 ದಿನಗಳಲ್ಲಿ 204 ಕೋಟಿ ಆದಾಯ

ಕೇರಳದ ಶಬರಿಮಲೆ ದೇಗುಲದಲ್ಲಿ ಡಿ.25ರ ವರೆಗೆ 39 ದಿನಗಳಲ್ಲಿ 204.30 ಕೋಟಿ ಆದಾಯ ಸಂಗ್ರಹವಾಗಿದೆ ಎಂದು ತಿರುವಾಂಕೂರು ದೇವಸ್ವಮ್ ಮಂಡಳಿ ತಿಳಿಸಿದೆ. ಹುಂಡಿ ಕಾಣಿಕೆ ಲೆಕ್ಕ ಹಾಕಿದ ಅನಂತರ ಆದಾಯ ಇನ್ನಷ್ಟು ಏರಿಕೆಯಾಗಲಿದೆ. ಭಕ್ತರು ಸಲ್ಲಿಸಿರುವ ಕಾಣಿಕೆಯಿಂದ 63.89 ಕೋಟಿ ಸಂಗ್ರಹವಾಗಿದೆ. ಅರವಣ ಪ್ರಸಾದ ಮಾರಾಟದಿಂದ 96.32 ಕೋಟಿ, ಅಪ್ಪಂ ಪ್ರಸಾದದಿಂದ 12.38 ಕೋಟಿ ಆದಾಯ ಬಂದಿದೆ ಎಂದು PDB ಅಧ್ಯಕ್ಷ P.S ಪ್ರಶಾಂತ್‌ ತಿಳಿಸಿದ್ದಾರೆ. ಮಂಡಲ ಪೂಜೆಯ ಅವಧಿಯಲ್ಲಿ ಡಿಸೆಂಬರ್ 25ರ ತನಕ 31, 43, 163 ಭಕ್ತರು ಅಯ್ಯಪ್ಪ ಸನ್ನಿಧಾನಕ್ಕೆ ಭೇಟಿ ನೀಡಿ ಸ್ವಾಮಿಯ ದರ್ಶನ ಪಡೆದಿದ್ದಾರೆ. ಈ ಪೈಕಿ 7,25.049 ಭಕ್ತರಿಗೆ ಉಚಿತವಾಗಿ ಭೋಜನ ಪ್ರಸಾದ ಪೂರೈಸಲಾಗಿದೆ ಎಂದು ಪ್ರಶಾಂತ್‌ ತಿಳಿಸಿದರು. ಮಂಡಲ ಪೂಜೆಯು ಇಂದು ನಡೆಯಲಿದ್ದು, ಬಳಿಕ ದೇವಸ್ಥಾನದ ಬಾಗಿಲು ಮುಚ್ಚಲಿದೆ. ಡಿಸೆಂಬರ್ 30 ರಂದು ಮಕರ ಜ್ಯೋತಿ ಉತ್ಸವಕ್ಕಾಗಿ ದೇವಸ್ಥಾನದ ಬಾಗಿಲು ಮತ್ತೆ ತೆರೆಯಲಿದೆ. ಜನವರಿ 15ರಂದು ಮಕರ ಜ್ಯೋತಿ ಉತ್ಸವ ನಡೆಯಲಿದೆ.