ಕಾಡಾನೆ ಹಿಂಡಿನಿಂದ ಬೇರ್ಪಟ್ಟ ಮರಿ ಆನೆ ಮರಳಿ ಅಮ್ಮನ ಮಡಿಲಿಗೆ;ಅರಣ್ಯಾಧಿಕಾರಿಗಳ ಯಶಸ್ವಿ ಕಾರ್ಯಚರಣೆ.
- ಕರಾವಳಿ ಕೇರಳ ಸುದ್ದಿ ತಾಲೂಕು ಸಮಾಚಾರ ವಾರ್ತೆಗಳು ಸುಳ್ಯ ಸಮಾಚಾರ
ಶಿವಪ್ರಸಾದ್ ಮಣಿಯೂರು- 0
- 1 minute read
ಕಾಡಾನೆ ಹಿಂಡಿನಿಂದ ಬೇರ್ಪಟ್ಟ ಮರಿ ಆನೆ ಮರಳಿ ಅಮ್ಮನ ಮಡಿಲಿಗೆ;ಅರಣ್ಯಾಧಿಕಾರಿಗಳ ಯಶಸ್ವಿ ಕಾರ್ಯಚರಣೆ
ಮಂಡೆಕೋಲು, ಜ. 21: ಮಂಡೆಕೋಲು ಗ್ರಾಮದ ಕನ್ಯಾನ ಎಂಬಲ್ಲಿ ಕಾಡಾನೆಗಳ ಹಿಂಡಿನಿಂದ ಬೇರ್ಪಟ್ಟ ಆನೆಮರಿಯನ್ನು ರಕ್ಷಣೆ ಮಾಡಿದ ಅರಣ್ಯ ಇಲಾಖೆ, ಕಾರ್ಯಾಚರಣೆ ನಡೆಸಿ ಕಾಡಾನೆಗಳ ಹಿಂಡಿನ ಜೊತೆ ಸೇರಿಸುವಲ್ಲಿ ಯಶಸ್ವಿಯಾಗಿದೆ. ತಾಯಿ ಆನೆಯಿಂದ ಬೇರ್ಪಟ್ಟು ರೋದಿಸುತ್ತಿದ ಮರಿ ಆನೆ ಹಿಂಡಿನ ಜೊತೆ ಸೇರಿದೆ ಎಂದು ಅರಣ್ಯಾಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಕಾರ್ಯಾಚರಣೆಯಲ್ಲಿ ಆನೆ ಹಿಂಡನ್ನು ಪತ್ತೆ ಹಚ್ಚಲಾಗಿದ್ದು, ಆನೆ ಮರಿಯನ್ನು ಹಿಂಡಿನ ಸಮೀಪ ಬಿಡಲಾಗಿತ್ತು. ಅರಣ್ಯಾಧಿಕಾರಿಗಳ ನಿರೀಕ್ಷಣೆಯಲ್ಲಿದ್ದ ಆನೆಮರಿ ಹಿಂತಿರುಗಿ ಬಂದಿಲ್ಲ ಮತ್ತು ಎಲ್ಲೂ ಪತ್ತೆಯಾಗಿಲ್ಲ. ಮರಿ ಆನೆ ಕಾಡಾನೆ ಹಿಂಡಿನೊಂದಿಗೆ ಸೇರಿಕೊಂಡಿದೆ ಎಂದು ಅರಣ್ಯಾಧಿಕಾರಿ ಎನ್.ಮಂಜುನಾಥ್ ತಿಳಿಸಿದ್ದಾರೆ. ಕಳೆದ ಶುಕ್ರವಾರ ಮುಂಜಾನೆ ಗ್ರಾಮದ ಕನ್ಯಾನ ಭಾಗದಲ್ಲಿ ಹಿಂಡಿನಿಂದ ಬೇರ್ಪಟ್ಟ ಮರಿ ಆನೆ ಕಂಡುಬಂದಿತ್ತು.
