ಕಡಬ:ಕೊಣಾಜೆ ನಿವೇದಿತಾ ಜ್ಞಾನವಿಕಾಸ ಕೇಂದ್ರದ ಸಂಯೋಜಕಿಯರ ಜವಾಬ್ದಾರಿ ಹಸ್ತಾಂತರ.

ಕಡಬ: ಕೊಣಾಜೆ ನಿವೇದಿತಾ ಜ್ಞಾನವಿಕಾಸ ಕೇಂದ್ರದ ಸಂಯೋಜಕಿಯರ ಜವಾಬ್ದಾರಿ ಹಸ್ತಾಂತರ.

ಸಮಾಜದ ಮುಖ್ಯವಾಹಿನಿಯಲ್ಲಿ ತೊಡಗಿಕೊಳ್ಳುವುದೇ ಜ್ಞಾನ ವಿಕಾಸ ಕೇಂದ್ರದ ಧ್ಯೇಯ :ಮೇಲ್ವೀಚಾರಕ ರವಿಪ್ರಸಾದ್ ಆಲಾಜೆ.

ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃಧ್ಧಿ ಯೋಜನೆಯ ಬಿಳಿನೆಲೆ ವಲಯದ ಕೋಣಾಜೆ ಜ್ಞಾನದೀಪಾ ಜ್ಞಾನವಿಕಾಸ ಕೇಂದ್ರದಲ್ಲಿ ಸಂಯೋಜಕಿಯರ ಜವಾಬ್ದಾರಿ ಹಸ್ತಾಂತರ ಕಾರ್ಯಕ್ರಮವು ನಡೆಯಿತು.
ಕಾರ್ಯಕ್ರಮದಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಭಾಗವಹಿಸಿದ ಬಿಳಿನೆಲೆ ವಲಯದ ಮೇಲ್ವೀಚಾರಕ ರವಿಪ್ರಸಾದ್ ಆಲಾಜೆ ಮಾತನಾಡಿ ಧರ್ಮಸ್ಥಳ ಗ್ರಾಮಾಭಿವೃಧ್ಧಿ ಯೋಜನೆಯ ಸ್ವಸಹಾಯ ಸಂಘಗಳ ಮಹಿಳೆಯರನ್ನು ಒಟ್ಟುಗೂಡಿಸಿ ಜ್ಞಾನವಿಕಾಸ ಕೇಂದ್ರವನ್ನು ರಚಿಸಿಕೊಂಡು ತಿಂಗಳಿಗೊಮ್ಮೆ ಕೇಂದ್ರದ ಸಭೆಯನ್ನು ನಡೆಸುತ್ತಿದ್ದು ಕೇಂದ್ರದ ಪ್ರತಿಯೊಬ್ಬ ಮಹಿಳೆಯೂ ಸಮಾಜದ ಮುಖ್ಯ ವಾಹಿನಿಯಲ್ಲಿ ತೊಡಗಿಕೊಳ್ಳುವಂತೆ ಮಾಡುವುದೇ ಜ್ಞಾನವಿಕಾಸ ಕೇಂದ್ರದ ಧ್ಯೇಯ ವಾಗಿರುತ್ತದೆ.
ಮಾತೃಶ್ರೀ ಹೇಮಾವತಿ ಅಮ್ಮನವರ ಅತ್ಯಂತ ಕಾಳಜಿಯ ಕಾರ್ಯಕ್ರಮಗಳಲ್ಲಿ ಮುಖ್ಯ ಕಾರ್ಯಕ್ರಮವಾದ ಜ್ಞಾನವಿಕಾಸ ಕೇಂದ್ರದಲ್ಲಿ ವ್ಯಕ್ತಿಯ ಸಭಾಕಂಪನ ಹೋಗಲಾಡಿಸಿ ನಿರರ್ಗಳವಾಗಿ ಮಾತನಾಡುವ ಸಭಾವೇದಿಕೆ ನಿರ್ಮಾಣ, ಆರೋಗ್ಯ ಮಾಹಿತಿ, ಜ್ಞಾನವೃದ್ದಿಗಾಗಿ ಲೈಬ್ರೇರಿಗಳ ಬಳಕೆ, ಶಿಕ್ಷಣ ಮಾಹಿತಿ ,ಕುಟುಂಬದ ನಿರ್ವಹಣಾ ಮಾಹಿತಿ,ಸಾಂಸ್ಕ್ರತಿಕ ಚಟುವಟಿಕೆಗಳು, ಭಜನೆ ಮುಂತಾದ ಅಗತ್ಯ ತಿಳುವಳಿಕೆಗಳನ್ನು ಪ್ರತೀ ತಿಂಗಳಿಗೊಮ್ಮೆ ನೀಡುತ್ತಿದ್ದು ಶಿಸ್ತುಬಧ್ಧ ಜೀವನದೊಂದಿಗೆ ಸಮಾಜದಲ್ಲಿ ಮಹಿಳೆ ಗುರುತಿಸಿಕೊಳ್ಳಲೂ ಜ್ಞಾನವಿಕಾಸ ಕೇಂದ್ರ ಮಾದರಿಯಾಗಿದೆ ಎಂದರು.
ತಾಲೂಕು ಜ್ಞಾನವಿಕಾಸ ಸಮನ್ವಯಾಧಿಕಾರಿ ಚೇತನ ಕೇಂದ್ರದ ತಿಂಗಳ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.
ನಿವೇಧಿತ ಜ್ಞಾನವಿಕಾಸ ಕೇಂದ್ರದ ನೂತನ ಸಂಯೋಜಕಿಯಾಗಿ ದಮಯಂತಿ ಬ್ರಾಂತೋಡು ರವರಿಗೆ ಕೇಂದ್ರದ ದಾಖಲಾತಿಗಳನ್ನು ಹಸ್ತಾಂತರಿಸುವ ಮೂಲಕ ಸಂಯೋಜಕಿಯಾಗಿ ಜವಾಬ್ದಾರಿ ನಿರ್ವಹಿಸುತ್ತಿದ್ದ ಸರಸ್ವತಿಯವರು ಜವಾಬ್ದಾರಿ ಹಸ್ತಾಂತರ ಮಾಡಿದರು.
ಸಭೆಯ ಅಧ್ಯಕ್ಷತೆಯನ್ನು ಶ್ರೀ ಉಲ್ಲಾಕುಲು ಸಂಘದ ಸದಸ್ಯೆ ಪುಷ್ಪಾವತಿಯವರು ವಹಿಸಿದ್ದರು.
ಕೊಣಾಜೆ ಕಾರ್ಯಕ್ಷೇತ್ರದ ಸೇವಾಪ್ರತಿನಿಧಿ ಬೇಬಿ ಕಾರ್ಯಕ್ರಮ ನಿರ್ವಹಿಸಿದರು.

ಇದನ್ನು ಓದಿದ್ದೀರಾ: ಇಲ್ಲಿ ಎಲ್ಲರಿಗೂ ಖಚಿತ ಬಹುಮಾನ! ಇಂದೇ ನೊಂದಾಯಿಸಿ.

WWW.GOLDFACTORYNEWS.COM

Gold Factory News is a Karnataka-based web news channel. It offers comprehensive coverage of local, national, and international events. Known for its quality journalism, Gold Factory News provides unbiased news and in-depth analysis. The channel’s dedicated team of journalists ensures timely and accurate reporting. Gold Factory News is rapidly gaining recognition for its integrity and excellence in news reporting.