ಇಸ್ರೇಲಿನ ಸೈನಿಕರಿಗೆ ಮೆಕ್‌ಡೊನಾಲ್ಡ್ಸ್ನಿಂದ ಉಚಿತ ಆಹಾರ!ಮೆಕ್‌ಡೊನಾಲ್‌ಗೆ ಬಹಿಷ್ಕಾರದ ಬಿಸಿ….
- ಅಂತರಾಷ್ಟ್ರೀಯ ಸುದ್ದಿ ರಾಜ್ಯ ಸುದ್ದಿ ರಾಷ್ಟ್ರೀಯ ಸುದ್ದಿ
ದಿಶಾ ಕೆ.ಎಸ್- 0
- 1 minute read
ಇಸ್ರೇಲಿನ ಸೈನಿಕರಿಗೆ ಮೆಕ್‌ಡೊನಾಲ್ಡ್ಸ್ನಿಂದ ಉಚಿತ ಆಹಾರ: ಮೆಕ್‌ಡೊನಾಲ್‌ಗೆ ಬಹಿಷ್ಕಾರದ ಬಿಸಿ….!
ಇಸ್ರೇಲ್‌ ಸೈನಿಕರಿಗೆ ಉಚಿತ ಊಟ ನೀಡೋದಾಗಿ ಮೆಕ್‌ಡೊನಾಲ್ಡ್ಸ್‌ನ ಇಸ್ರೇಲ್‌ ಘಟಕ ಘೋಷಣೆ ಮಾಡಿದೆ. ಪ್ರತಿದಿನ ಸಾವಿರಾರು ಜನರಿಗೆ ಊಟ ತಯಾರಿಸಲಾಗುತ್ತಿದ್ದು, ಇದಕ್ಕಾಗಿಯೇ ವಿಶೇಷವಾಗಿ 5 ರೆಸ್ಟೋರೆಂಟ್ ಗಳನ್ನು ತೆರೆಯಲಾಗಿದೆ ಎಂದು ತಿಳಿಸಿದೆ. ಇದಕ್ಕೆ ನೆಟ್ಟಿಗರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಸೈನಿಕರಿಗೆ ಆಹಾರವನ್ನು ನೀಡುವುದನ್ನು ವಿರೋಧಿಸಿದ ಕೆಲ ನೆಟ್ಟಿಗರು ‘Boycott McDonald’s’ ಎಂದು ಟ್ವಿಟ್ ಮಾಡುತ್ತಿದ್ದಾರೆ. ಇಸ್ರೇಲಿ ಪಡೆಗಳಿಗೆ ಉಚಿತ ಆಹಾರವನ್ನು ಒದಗಿಸುವ ಮೆಕ್ ಡೊನಾಲ್ಡ್ ಕ್ರಮದ ನಂತರ ಅಕ್ಟೋಬರ್ 13 ರಂದು ಲೆಬನಾನ್‌ನಲ್ಲಿ ಪ್ರತಿಭಟನೆಗಳು ಭುಗಿಲೆದ್ದವು. ಸ್ಪಿನ್ನೀಸ್ ನಲ್ಲಿರುವ ಮೆಕ್‌ಡೊನಾಲ್ಡ್ ಮೇಲೆ ಪ್ಯಾಲೇಸ್ಟಿನಿಯನ್ ಗುಂಪುಗಳು ದಾಳಿ ಮಾಡಿವೆ.
ಈ ಹಿನ್ನಲೆಯಲ್ಲಿ ಮೆಕ್‌ಡೊನಾಲ್ಡ್ ಒಮಾನ್ X ನಲ್ಲಿ ಗಾಜಾವನ್ನು ಬೆಂಬಲಿಸುವ ಪೋಸ್ಟ್ ಅನ್ನು ಪೋಸ್ಟ್ ಮಾಡಿದೆ. ಗಾಜಾದಲ್ಲಿನ ಪ್ರಯತ್ನಗಳಿಗೆ ಸಹಾಯ ಮಾಡಲು ಕಂಪನಿಯು 100,000 ದೇಣಿಗೆ ನೀಡಿದೆ ಎಂದು ಮೆಕ್‌ಡೊನಾಲ್ಡ್ಸ್ ಹೇಳಿದೆ.
