ಕನಕರತ್ನ ಪ್ರಶಸ್ತಿ;ಖ್ಯಾತ ಪತ್ರಕರ್ತೆ ವಿಜಯಲಕ್ಷ್ಮಿ ಶಿಬರೂರು ಆಯ್ಕೆ
- ಕವಿ ಮನ ಗೋಲ್ಡ್ ಫ್ಯಾಕ್ಟ್ಸ್ ರಾಜ್ಯ ಸುದ್ದಿ ವಾರ್ತೆಗಳು ಶಿಕ್ಷಣ
ಶಿವಪ್ರಸಾದ್ ಮಣಿಯೂರು- 0
- 1 minute read
ಕನಕರತ್ನ ಪ್ರಶಸ್ತಿ;ಖ್ಯಾತ ಪತ್ರಕರ್ತೆ ವಿಜಯಲಕ್ಷ್ಮಿ ಶಿಬರೂರು ಆಯ್ಕೆ
ಮಂಗಳೂರು. ಜ.6: ಶ್ರೀ ಕಾಗಿನೆಲೆ ಮಹಾ ಸಂಸ್ಥಾನ ಕನಕ ಗುರುಪೀಠ ರಾಯಚೂರು ವತಿಯಿಂದ ನೀಡಲಾಗುವ ‘ಕನಕರತ್ನ’ ಪ್ರಶಸ್ತಿಗೆ ಖ್ಯಾತ ಪತ್ರಕರ್ತೆ ಹಾಗೂ ವಿಜಯ ಟೈಮ್ಸ್ ಮುಖ್ಯಸ್ಥೆ ವಿಜಯಲಕ್ಷ್ಮಿ ಶಿಬರೂರು ಆಯ್ಕೆಯಾಗಿದ್ದಾರೆ. ಜ. 12ರಂದು ರಾಯಚೂರಿನಲ್ಲಿ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮ ನಡೆಯಲಿದೆ.
‘ಜನವಾಹಿನಿ ಪತ್ರಿಕೆ ‘ ಪತ್ರಿಕೆಯ ಮೂಲಕ ತಮ್ಮ ವೃತ್ತಿ ಜೀವನವನ್ನು ಆರಂಭಿಸಿದ ವಿಜಯಲಕ್ಷ್ಮಿ ಶಿಬರೂರು, ಆಕಾಶವಾಣಿಯಲ್ಲಿಯೂ ಕೆಲವು ಕಾಲ ರೇಡಿಯೋ ಪ್ರಸಾರಕರಾಗಿ ಸೇವೆ ಸಲ್ಲಿಸಿದ್ದರು. ತನಿಖಾ ವರದಿ ‘ಕವರ್ ಸ್ಟೋರಿ’ ಮೂಲಕ ಮನೆಮಾತಾಗಿರುವ ಶಿಬರೂರು ಅವರು, ಸಂಯುಕ್ತ ಕರ್ನಾಟಕ, ETV, ಸುವರ್ಣ ನ್ಯೂಸ್ ಮುಂತಾದ ಹಲವು ಕನ್ನಡ ಪತ್ರಿಕೆ ಹಾಗೂ ಟಿ.ವಿ ಮಾಧ್ಯಗಳಲ್ಲಿ ಕೆಲಸ ಮಾಡಿದ್ದಾರೆ. ಪ್ರಸ್ತುತ ವಿಜಯ ಟೈಮ್ಸ್ ಸುದ್ದಿಯ ವಾಹಿನಿಯ ಮುಖ್ಯಸ್ಥೆಯಾಗಿ ಕಾರ್ಯ ನಿರ್ವಹಿಸುತಿದ್ದಾರೆ.
ಶ್ರೀ ಸಿದ್ಧರಾಮಾನಂದ ಮಹಾಸ್ವಾಮಿಗಳ ನೇತೃತ್ವದಲ್ಲಿ ಇದೇ ತಿಂಗಳು ಜ.12ರಿಂದ ಜ.14ವರೆಗೆ ‘ಹಾಲುಮತ ಸಂಸ್ಕೃತಿ ವೈಭವ-೨೦೨೪’ ಕಾರ್ಯಕ್ರಮ, ಶ್ರೀ ಕಾಗಿನೆಲೆ ಮಹಾಸಂಸ್ಥಾನ ಕನಕ ಗುರುಪೀಠ ತಿಂಥಣಿಬ್ರಿಜ್, ದೇವದುರ್ಗ ತಾಲ್ಲೂಕು, ರಾಯಚೂರು ಜಿಲ್ಲೆಯಲ್ಲಿ ನಡೆಯಲಿದೆ.
