ವಯನಾಡ್ ಭೂಕುಸಿತದ ವೇಳೆ ರಕ್ಷಣೆಗಾಗಿ ಗುಹೆಯಲ್ಲಿ ಅಡಗಿದ್ದ ತಾಯಿ ಮಕ್ಕಳನ್ನು ರಕ್ಷಿಸಿದ ಅರಣ್ಯ ಸಿಬ್ಬಂದಿ!
- ಕೇರಳ ಸುದ್ದಿ ರಾಜ್ಯ ಸುದ್ದಿ ವಾರ್ತೆಗಳು
NEWS TEAM- 0
- 1 minute read
ವಯನಾಡ್ ಭೂಕುಸಿತದ ವೇಳೆ ರಕ್ಷಣೆಗಾಗಿ ಗುಹೆಯಲ್ಲಿ ಅಡಗಿದ್ದ ತಾಯಿ ಮಕ್ಕಳನ್ನು ರಕ್ಷಿಸಿದ ಅರಣ್ಯ ಸಿಬ್ಬಂದಿ!
ಕೇರಳದ ವಯನಾಡ್ ನಲ್ಲಿ ಭಾರೀ ಭೂಕುಸಿತ ಸಂಭವಿಸಿ 500ಕ್ಕೂ ಹೆಚ್ಚು ಜನರು ಸಾವಿಗೀಡಾಗಿದ್ದಾರೆ. ಈಗಾಗಲೇ ಅಲ್ಲಿ ಪರಿಹಾರ ಕಾರ್ಯಾಚರಣೆಗಳು ನಡೆಯುತ್ತಿವೆ. ಈ ಸಂದರ್ಭದಲ್ಲಿ, ಅಟ್ಟಮಾಲಾ ಅರಣ್ಯ ವಲಯದಲ್ಲಿ ಭೂಕುಸಿತದಿಂದ ದೊಡ್ಡ ಕಂದಕಕ್ಕೆ ನಾಲ್ವರು ಮಕ್ಕಳೊಂದಿಗೆ ಉರುಳಿದ ಮಹಿಳೆಯನ್ನು ಅರಣ್ಯ ಸಿಬ್ಬಂದಿ ರಕ್ಷಿಸಿದ್ದಾರೆ. ಮಹಿಳೆ 5 ದಿನಗಳಿಂದ ಗುಹೆಯಲ್ಲಿ ಬದುಕುಳಿದಿದ್ದರು ಎನ್ನಲಾಗಿದ್ದು. ಕುಟುಂಬದವರಿಗಾಗಿ ಕೂಗಿಕೊಂಡು ಯೋಧರ ಕಾಲಿಗೆ ಬೀಳುತ್ತಿದ್ದರು. ಕಲ್ಪೆಟ್ಟಾ ಅರಣ್ಯ ವಲಯದ ಅರಣ್ಯಾಧಿಕಾರಿ ಕೆ. ಹ್ಯಾಶಿಸ್ ಅವರ ತಂಡ ಈ ರಕ್ಷಣಾ ಕಾರ್ಯದಲ್ಲಿ ಭಾಗವಹಿಸಿತ್ತು. ನೂರಾರು ಮೀಟರ್ ಗಳಷ್ಟು ಆಳಕ್ಕೆ ಹೋಗಿ, ಆಹಾರಕ್ಕಾಗಿ ಅಲೆಯುತ್ತಿರುವ ಮಹಿಳೆಯನ್ನು ಕಂಡರು. ಆಕೆ ಮಾತನಾಡಲೂ ಶಕ್ತಿಯಿಲ್ಲ, ತನ್ನ ಮಕ್ಕಳು ಹಾಗೂ ತಾನು ನೈಸರ್ಗಿಕ ಗುಹೆಯಲ್ಲಿ ಆಶ್ರಯ ಪಡೆದಿದ್ದಾಗಿ ಹೇಳಿದಳು. ಗುಹೆಗೆ ಹೋಗಿ ನೋಡಿದಾಗ, ನಾಲ್ಕು ಮಕ್ಕಳು ಹಸಿವಿನಿಂದ ಕಂಗಾಲಾಗಿದ್ದರು. ಆಕೆ ಹಾಲುಣಿಸಿ ಮಕ್ಕಳನ್ನು ಜೋಪಾನ ಮಾಡುತ್ತಿದ್ದಳು.ಅದೃಷ್ಟವಶಾತ್ ಗುಹೆಯಲ್ಲಿ ಹಾವು, ಚೇಳುಗಳ ಕಾಟವಿಲ್ಲದೆ ಆ ಮಕ್ಕಳು ಹಾಗೂ ಆಕೆ ಸುರಕ್ಷಿತವಾಗಿದ್ದರು. ಆದರೆ, ಆಹಾರ ಹಾಗೂ ಆರೈಕೆಯಿಲ್ಲದೆ ನಿಶ್ಯಕ್ತರಾಗಿದ್ದರು. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಸದ್ಯ ಚೇತರಿಸಿದ್ದಾರೆ.
Gold Factory News is a Karnataka-based web news channel. It offers comprehensive coverage of local, national, and international events. Known for its quality journalism, Gold Factory News provides unbiased news and in-depth analysis. The channel’s dedicated team of journalists ensures timely and accurate reporting. Gold Factory News is rapidly gaining recognition for its integrity and excellence in news reporting.
