ಶಬರಿಮಲೆಯಲ್ಲಿ ಇಂದಿನಿಂದ ಮಂಡಲ ಪೂಜೆ

ಶಬರಿಮಲೆಯಲ್ಲಿ ಇಂದಿನಿಂದ ಮಂಡಲ ಪೂಜೆ

ಶಬರಿಮಲೆಯ ಅಯ್ಯಪ್ಪ ಸ್ವಾಮಿ ದೇವಸ್ಥಾನವು ಮಂಡಲ ಪೂಜೆ ನ.15 (ಇಂದು) ರಂದು ತೆರೆಯಲಿದೆ. ಹಾಗೂ ಡಿ.26 ರ ತನಕ ದರ್ಶನಕ್ಕೆ ಅವಕಾಶ ನೀಡಲಾಗಿದೆ. ದೇಗುಲದ ಆಡಳಿತ ಮಂಡಳಿ ಪ್ರತಿ ದಿನ 7000 ಜನರಿಗೆ ದರ್ಶನಕ್ಕೆ ಅವಕಾಶ ನೀಡಲು ನಿರ್ಧಾರ ಮಾಡಿದೆ. ಆದರೆ ಜನಸಂದಣಿ ತೀರಾ ಹೆಚ್ಚಾಯಿತು ಎಂತಾದರೆ ಅರ್ಧಗಂಟೆ ಕಾಲ ದರ್ಶನದ ಸಮಯ ವಿಸ್ತರಿಸಲು ಚಿಂತನೆ ನಡೆಸಲಾಗಿದೆ.
ನ.15-ಡಿ.29 ರವರೆಗೆ ವರ್ಚುವಲ್‌ ಕ್ಯೂ ಮೂಲಕ ಲಕ್ಷಾಂತರ ಭಕ್ತರು ಭೇಟಿಗೆ ಕಾದಿರಿಸಿದ್ದಾರೆ. ನಿತ್ಯ 10000 ಭಕ್ತರು ಪಂಪಾ, ಎರುಮೆಲಿ, ವೆಂದಿಪೆರಿಯಾರ್‌ಗಳಲ್ಲಿ ಬುಕಿಂಗ್‌ ಮಾಡಲು ಅವಕಾಶವಿದೆ. ಇದಕ್ಕೆ ಆಧಾರ್‌ಕಾರ್ಡ್‌, ವೋಟರ್‌ ಐಡಿ, ಪಾಸ್‌ಪೋರ್ಟ್‌ ಪ್ರತಿ ತೋರಿಸುವುದು ಕಡ್ಡಾಯ.